...............
هاجر عوني. تونس
..............
مهما بُعد المسافات اتمد... ومهما زاد الشوڨ عن الحد... تبقى الروح ساكنة العاشڨ والمعشوڨ ولو انڨلب العالم للضد...
هو الحب الصادق حتى لو مرت السنون وتوالت ايام العمر يبقى يسكن الروح وهذا
حديث بين عشاڨ
مشتاڨين والعين لملڨَاكُم ترِف
ونبض الڨلب ليكم...أبدا ما كَف
وفكري ياالغوالي بيكم مشغول
والروح من حبكم...مابغِت تعِف
مشتاڨين والروح صارت عليلة
سهرانه تناجيك.. ليلة بعد ليلة
صار العڨل من بعادكم مخبول
مالوش سيرة.... غير ع الجميلة
يا خليل الڨلب مستنيَه منَّك نظره
تطفي نيران الڨلب... وتشفي صبرَه
حبيب الروح.....فيك نا عاشڨة
وحبك ڨايد في الصدر مثل الجمره
فيك يا عمر العمر والله نا ما نسلم
تبعد، ترحل، تسافر و تغيب مانتكلم
يطول الشوڨ، والفرڨة راهي صعيبة
نستناك طول ما فيَّ نَفس ومهما نتألم
شوڨك يا الحبيبة تعبني وزاد عذابي
مهما رحلت وغبت ما ننسى نايا أحبابي
غلاكم في الكنين.......مزروع وثابت
مصير الحي يتلاڨى ونرجع ليك ولِترابي
حبيب الڨلب......والڨلب ساكن روحي
انتَ علتي و دوايا وانت بلسم جروحي
نفديك يا حبيب العمر...بعمري وحيااتي
ويا عين...لا تبكي فراڨو ولا لا تنوحي
انتِ يا مَمُّو العين راجعلك لو بعد سنين
دمعك ع الڨلب غالي، ومنّو الروح تنين
فيك نعشڨ ونحب وروحي فيك هايمه
ومكتوبنا لبعضنا ولو اتلاڨى الحاجب بالعين
هاجر عوني. تونس
ليست هناك تعليقات:
إرسال تعليق