ديوان أكاليل الإلكتروني لسفراء القلم

..........

لجام لسانك
من ديوان / بيتنا القديم
للشاعر / مصطفى فريد

.............

عشت طول العمر حوت
مغرور بمالك
الشيطان كان بيك بيلعب
طول حياتك
ياما خربت فى بيوت
لما سبت لجام لسانك
بين جراح الناس يفوت
كان حصان خاين وجامح
دمرك ضيع صلاتك
خرجك من توب إيمانك
إحترف سرقة أمانك
افتكر بص فى مرايتك
لما تخلص يوم حكايتك
وعنيك بحسرة
تشوف نهايتك يوم مماتك
فى لحظة تلقى الكل فاتك
وحيد حزين
مع لون كتابك
وأنت غرقان فى السكوت
بتعض بسنانك فى حالك
جوه التابوت
لا حد قال مالك. وشالك
ولا شفع لك وقت موت