ديوان أكاليل الإلكتروني لسفراء القلم

...........

كلمات
احمد طلبه

.................

مش هيرجع
==========
بلاش تبكي
قصاد واحد مشاعره بجد مغروره
ولا تشكي
ولا تحكي وتبقي ياعيني مكسوره

خليه يروح
أحسن كدا ومن غير عتاب
كل الجروح
سدي قصادها ألف باب

هيفيد بإيه وجعك وضعفك وانكسارك
يبقي أخسريه
ولا تعملي لخاين حساب

🔻🔻🔻🔻🔻🔻🔻🔻🔻🔻
قلبك حزين
علي القسوه وياه علميه

كل السنين
دلوقتي بيها تكرهيه

حتي الحنين
لازم يموت وتنسي ضعفك

واوعي في يوم
فيكي أنتي تفرحيه

انتي واحده
حرام تحس بنار ألامها

خليكي جاحده
حتي الدموع ولا دا أوانها

بعد اللي كان
من قلب واحد كان أناني
ولا عمره قدم حاجه حلوه
في يوم عشانها

خليه يروح
أحسن كدا ومن غير عتاب
كل الجروح
سدي قصادها ألف باب

هيفيد بإيه وجعك وضعفك وانكسارك
يبقي أخسريه
ولا تعملي لخاين حساب

🔻🔻🔻🔻🔻🔻🔻🔻🔻
بتفكري
وبتوجعي قلبك عشانه

طب قدري
إنك ماحسيتي بحنانه

ولا يوم دا كان شايل همومك
حتي عنك

من امتي شوفتي الخير
في حد من اللي خانو

هي كدا
الدنيا ماتديش كل حاجه

أيوه كده
وبطلي تعيشي في سذاجه

أصل اللي زيك
صعب دلوقتي تلاقيه

وصعب حد يحس بيكي
في كل حاجه

خليه يروح
أحسن كدا ومن غير عتاب
كل الجروح
سدي قصادها ألف باب

هيفيد بإيه وجعك وضعفك وانكسارك
يبقي أخسريه
ولا تعملي لخاين حساب

🔻🔻🔻🔻🔻🔻🔻🔻🔻🔻
إفتكري إنه
مكانش حاسس مره بيكي

إفتكري إنه قالها يوم
مابقتش ليكي

لو كان صحيح حبك حقيقي
بكل روحه
كان لما تتوجعي بجد
يخاف عليكي

فوئي بقي
من وهم إنه في يوم هيرجع
فوئي بقي
لا تقولي إنه يوم هيرجع

هي الأراده انك تدوسي
علي الحنين
مش واحده لما تحن له
عينيها تدمع

خليه يروح
أحسن كدا ومن غير عتاب
كل الجروح
سدي قصادها ألف باب

هيفيد بإيه وجعك وضعفك وانكسارك
يبقي أخسريه
ولا تعملي لخاين حساب

🔻🔻🔻🔻🔻🔻🔻🔻🔻🔻
كلمات
احمد طلبه