ديوان أكاليل الإلكتروني لسفراء القلم

............

طاقة نور
من ديوان/على الربابة
للشاعر / مصطفى فريد

...................

سنين من عمرنا ضاعت
فى قولنا وقال
واوصال الرحم تاهت
وكنا فى القطيعة رجال
وكلمة حقنا ماعت
ودابت جوه ميت موال
بينده ع القتيل يصحى
ويسأل مين سفك دمه
وراح فى زوال لغربة خوف
تعب منها البصر والشوف
من الترحال
ولازمنا الألم فى الجوف
وسكتنا صليب معكوف
عشقنا سكة التوهان
ولازلنا بنقطع كل يوم حته
وبنزيد كل يوم إذلال
وآخرة عمرنا المبتور
بكا ونواح
أنين أفراح
فى ليل عتمة بنص جناح
بيتسند على كتفه
صباح مكسور
وطاقة نور بتتمدد
وتتحدى الرياح وتفور
وتحدف فى السكات حكمه
وترسم سكة المشوار