ديوان أكاليل الإلكتروني لسفراء القلم

قصيده: عطر الريحان.     19/ 1/ 2018
                           حسن حلمى
عود لبلاب ملفوف.
على ورق صبار.

والصبر لما اشتكى.
بكى القلوب ياخال.

والدمع لامس خدوده.
بس العيون حبساه.

يمكن يميل بعوده.
على ايد تكون حساه.

تلمس صوابع خدوده.
وتمسح الدمعات.

ده الحلو ميل بعوده.
على عود ريحان يهواه.

يحلو قده وعوده.
لما الحبيب يلقاه.

يا محلا ضحكه خدوده.
لما العيون تلقاه.

ده الورد لامس جبينه.
ولونه بالخدود تفاح.

ميل وانا الملاح.
يا محلا نور الصباح.

لما يداعب خدوده.
والشمس تلمس جبينه.

تعكس بنورها للونه.
حبيبى بالخمرى لونه.

يا محلا طله قدومه.

عود لبلاب ملفوف.
على ورق صبار.
                        بقلم: حسن حلمى