....................
على أبو السعود
......................
علمونا
علمونا فى المدارس
إن هي مش بتعتك
مات أبوك بعد جدك
وإنت بكره
كمان تموت إنت وإبنك
هو نفس الدرس برضه
مش بتعتك
البلد دى مش بتعتك
يإبنى إفهم ليها صاحب
غصب عنك
بيه كبير تقوله حاضر
إوعه يوم تقوله لاء
وقعت أمك تبقى زرقه
عيش جبان تموت سعيد
تدخل الجنه ده حقق
علمونا فى المدارس
على طول نطاطى
لما قولنا ليه نطاطى
قالوا واطى
إنت واطى بن واطى
أوعه يوم تقيم إيامتك
ياخد السياف رقبتك
عيش ذليل ح تعشها حر
يوم فى شهد وكتير فى مور
مر فيها يالله مر
زى جدك زى أبوك
ما عاش ومر
شعر
على أبو السعود
ليست هناك تعليقات:
إرسال تعليق