......................
محمد سيوفى
..............
( سألتنى وجاوبتها )
سألتنى بتحبني .. ؟
قولتلها قتيل غرام
عادت نفس السؤال
وبنظره فيها عتاب
طلبت ردى في الحال
مشتاقه للجواب
قولتلها حبى حاله
الوصف ليه إستحاله
لا ينفع فيه أغانى
ولا شعر ولا قواله
أنا قلبى من سنين
كان ميت كان دفين
جيتى نورتى عمرى
صحيتى فيه الحنين
بقى ضله جنب سيرك
مش شايف حد غيرك
فارد جناح الشوق
عايش كأنه طيرك
أنا حبى زى ضوء
الشمس في الشروق
يلمس خدود الورد
يفًتًح بلهفه وشوق
زى الضحكه البريئه
وقت ظهور الحقيقه
لما تنقذ برئ
فى الشده وقت ضيقه
أنا حبى ليكى آيه
وبطلك في الروايه
أنا وقت لما اموت
الحب يموت معايا
محمد سيوفى
ليست هناك تعليقات:
إرسال تعليق