....................
نذير دهان
...................
من فضلك لف الموضوع
لا تشكي بحرقة ودموع
لا تقللي شو هالحالة
افلسنا ومتنا من الجوع
***************************
عم يقبض خمسين وميتين
صارلو فيلا وسيارتين ؟!
شي بيخللي الواحد مصروع
**************************
بدري افندي مقامو رفيع
متخصص يرسم تواقيع
انت بتدفع هوه بيطيع
بيشعلك اصابيعو شموع
***************************
أفهام كويس ياحباب
نظرية بدري بالحساب
بس تكون ع الإيجاب
مسمحلك كلشي ممنوع
**************************
العين بترف الايد بتهف
العملة متل السكر سف
العاب رياضة حواجز طف
بتحصل اكبر مجموع
**************************
ضروري تفهم بهالايام
ضاع الحلال بالحرام
العدل شخر ونام
والظلم اصبح مشروع
(((من فضلك لف الموضوع)))
***************************
شعر ؛ نذير دهان
ليست هناك تعليقات:
إرسال تعليق