...................
(((أسامه جديانه)))
.......................
فين راحت هيبتك ياجنيه
قولي الوقت بتجيب ايه
كيس الشيبسي مابيكفيه
وبقيت ادنى كيان في العمله
كنا زمان نعمل به عزومه
خيرات ربنا عالطبليه
شنة و رنة ويفضل منه
لما نقول صرفنا جنيه
نلقى عتاب وملامه عليه
اشتري به فدان وجاموسة
هات محرات راح نحرت بيه
هنضيعه على لقمة فخيمه
بعد الأكل نجيب كاظوظه
وسوداني ولب نتسلى بيه
ضحكو عليه بكام تعويمه
تغطس وتبقبق ياجنيه
جايز تكون النيه سليمه
لو راح افكك كام بريزه
معاها شلنات بعد ماراح زمن التعريفة
كنت زمان في جيب الصريفة
والتاجر الشاطر والبيه
كان لك هيبة وشموخ وتعالي
شكلك حلو وصوتك عالي
اشتري شبكه وعقد لولي
اهل المغنى يقولوا موالي
وعروسة حلوه وتبقى حلالي
فسحة في الحنطور تحلالي
قولي فين هيبتك ياغالي
اليوم خابت فيك امالي
وجودك مثل التوب البالي
مكسوف حتى ترد سؤالي
طحنوك تحت رجل دولاري
(((أسامه جديانه)))
ليست هناك تعليقات:
إرسال تعليق