..................
.. غانم ع الخوري ..
.................
هيهات يا أم الزلف .... زلفة ياعينيا
ملكتني بغنج ودلع ... كلك مفهومية
كون جمالك ع الهدى .... ياسمينة شامية
بتمشي الدرب شاردا .... غزالة برية
وقفتا بصدفة رايدا ... اتصنع عفوية
دينهاو بالله موحدا ... ايمان الصبية
لو تدعيلي بالمغفرا ... ترفع المعصية
دمعتها ياقطر الندى .... بتعذب فيي
````````````
ع العين يا أم الزلف ..... زلفة يا موليا
تعلقت فيك بولع .... جمالك ياسورية
بضياعكم شمس ولهب .... ووردة جورية
جمال روحك و الأدب .... هنيّة ياحمصية
نظراتك للفرح سبب .... همسك غنية
إلك الحسن انوهب ... من رب البرية
الجاهة لبيك والطلب ... يزفوك ليّ
خاطرنا عندكم ذهب ... لا تخلو فييّ
لعيونك شرعنا البواب ... ياهلا بالغاليّة
العرس بسرايا حلب ... والحلو مهلبية
`````````````
هيهات ياأم الزلف...... زلفة يا بحرية
منها شفت البدع ..... بتسبح بالميّة
لمحتا تعوم بالبحر ...مثل الحورية
ريم عَ كتف النهر ... بعيون سحرية
لقربها مليت الصبر ... تشبك بإيدي
حياتنا حب و غمر ... عيشة هنية
الله يمدنا بالعمر ... ونكمل سويّة
```````````````
هيهات ياأم الزلف ... زلفة يا صدية
الله بجمالك ابدع ... و تأنى شوية
صبت عصير العنب .. شراب سباعية
صافي مثل الذهب .. وبيتحور بالمية
رفعت كأس النخب .. بمحبة أهلية
و المازة عز الطلب .. فستق وكبة نية
وغنت أغاني الطرب لا تحلى السهرية
.. غانم ع الخوري ..
ليست هناك تعليقات:
إرسال تعليق