.................
(((أسامه جديانه)))
......................
ماشي تتبخطر يا خاطف قلبي
واما أندهلك ما بتسألش
واما بتبعد ما اقدر اخبي
دقات قلبي ما تبطلش
ليه يا تعبني بتبعد عني
ألفت نظرك مليون مره
حتى رموشك ما بترمش
تاعب قلبي يا شاغل قلبي
قلبك ده ما يتحركش
منديلي أرمي يقع فوق راسك
عمرك ليا ما بصيتش
لما تمر أعلي في صوتي
باين أنك ما بتسمعش
ياما حاولت ألفت نظرك
ارحم قلبي اللي بيهواك
من بين بابي وبين شباكي
أنا يوميا بستناك
أنت العشق وعشق العشق
و عيوني اللي بتتمنى لقاك
أيوه الحب مش بالعافيه
ياريتني ياحبيبي انساك
(((أسامه جديانه)))
ليست هناك تعليقات:
إرسال تعليق