................
المحجوب بوسبولة
................
/////////***مانكدب عليك***/////////
مانكدب عليك صمتي تكلم
ما علمتيني ونسيتي
في ريحك غادي امدرم
واش عيتي ولى نهيتي
مايغرك لغرور غير وهام
لمجبة ماشي سلاح خاوي
اطويت في نسيانك لكلام
اتسرق لسان للي كان داوي
لبحر انسى لونو وذبال
تغسل قدامي جمر البارح
لمواج ترمي لشط لخبال
ترمي ماتبقى من جراح
خاوة كلام وزيادة لوهام
ماتصلح مادايزة نحيرة
صبحت للحل دايرة اغمام
امتلفة لغز نارو كثيرة
وللي فات حدو غير نساه
ماليه دوة طريقو عرجة
هكذا ابغاه ماشاء الله
غير خليه غادي في عوجة
لبحر لعميق ماديرو صديق
ليام الجاية اتوريه
في هيجانو تعرف لحريق
بقلم صقر الحروف الزجال المحجوب بوسبولة
ليست هناك تعليقات:
إرسال تعليق