................
نجوى رسلان
................
عم شحاتة دفعة كام
كان يا ماكان
ده كان زمان أول دفعة
قال متفوق
قالوا عبيط
حلمه كان يبقى معيد
راح الباشا ويّا البيه
قالوا استنه
كمل قَبلة وبكرة تعالى
و إحنا معاك مش ناسيين
جنبك بكرة نكون واقفين
قال أتوظف أصلها فرصة
بكرة أكمل دراسات عُليا
عُليا وعَليا
ضحكوا عليه
بعد ما أخدوا منه شبابه
صفوا فلوسه جواه دولابه
ضحكوا وقالوا ارجع يا بني زي ماجيت
دي لولدنا ولأحفادنا
لا مش سيبة
هي نهيبة
أه حجزنها
عندك مانع
إصرخ .....سامع
ولا هيعبر غير الحيط
ياله يا عمي لِم حجاتك
روح لوظيفتك هي مكانك
إرجع دلدل فيها ودانك
وإمسك فيها إبرة وخيط
من مذكرات نجوايا
بقلمي :د/نجوى رسلان
ليست هناك تعليقات:
إرسال تعليق