..............
محمد كمال مسلم
................
ضاعت السعاده وعدا وقتها
وراحت أجمل ضحكه كنت بحبها
وقت الحب قصير والفرحه بتتغير
حتي ساعات الحب زمانها قصير
ياعين كفاكي دموع
ومين يحس بحزننا ويغير
دابت قلوبنا من الألم
وبنعاتب الزمن
وكل دمعه من دموعنا فيها ألم
خلاص زمانك ياملهمه عدا وفات
واتبدلت لحظات السعاده وأصبحت ذكريات
واللي فاضل قلب مجروح بينزف من الاهات
أعتب عليكي وألا أعاتب نفسي
حبيت والحب سبب تعاستي ويأسي
كل ماأقول همسح دموع
أجيب الحزن لنفسي
ياللي باديكم سعادتي أنتوا فين
هو خلاص عده وقتي
وألا قلبي هيفضل حزين
أنت فين يافجر عمري
قولي نورك سبته لمين
والنهار دلوقتي يطلع
ولسه قلبي ياناس حزين
ومين يغير شيء مقدر
كله مكتوب عالجبين
مهما كان ومهما يحصل
لسه فاضلي يومين
بكره ييجي ومهما يجرا
ياما مر ياناس سنين
والمصير هو التراب
قولي دامت طب لمين
بكره هنسي العذاب
والجزاء للصابرين
بقلم محمد كمال مسلم
شاعر مصر
ليست هناك تعليقات:
إرسال تعليق