ديوان أكاليل الإلكتروني لسفراء القلم

 ................

احمد ماهر ابو نورا

...............

انت مين يلي القلب ديما ليك

مشتاق وملهوف....

انت مين يلي القلب اختارك

من بين ملاين وألوف...

وليه عيونك أحلي عيون....

وليه ضحكتك أحلى ضحكه في الكون...

وليه لما بشوفك بيتلخبط حالى....

وما بعرفش ايه بيجرالى...

وابقي مش علي بعضي ومكسوف....

قلي انت مين....

يا ابو أجمل غمازات على أجمل خدين...

يا بو شعر حرير....

لما بيهفهف في الهوي ويطير....

بيخلي الدنيا من حولي نسايم

وعبير.....

انت مين.... انت مين...

وليه لما بشوفك ببقي فرحان.

ولما بتمشي افضل حزين...

وافضل اليل كله مع النجوم السهرانين...

اشكي لنجوم اليالي..

اشكيلهم حالي.....

واشوف في القمر ضيك..

يلى مفيش في الكون زيك...

واسال روحي

هو جايبه الحلاوه والطعامه دي منين....

واللى مصبرني..

لا فيه دبل ولا خواتم في ايديك الشمال ولا اليمين...

احمد ماهر ابو نورا

شاعر الصعيد