.............
د محمد حلمي البراجه
..............
كفر العميان
كنت باسمع من زمان
عن كفر وسط الغيطان
ان سكانه اغلبهم حيوان
وإن الحمار عندهم حصان
والمعزه يقولوا عليها خرفان
قلت اسافر فيه لفلان
اسمع انه طيب واسمه عم غلبان
وكان حداه في الكفر دكان
سلم عليا وعملي من القهوه فنجان
عندكم في الكفر قهوه؟ ياعم غلبان
قالي اشمعنا بيشربها فلان وفلان
وعندنا فيس بلوك وبنشرب العصير رمان
والناس عندنا شكلها الوان
هتشوف في وشها بهتان
الحقد في البيوت جدران
والخيبه فيهم بالمجان
المنافق عندهم كسبان
والصادق فيهم خسران
متلقيش واحد فيه شبعان...كله بياكل بس جعان
وقدام غيره لابس وهو عريان
واللي حداه فيه فدان
عامل نفسه من الاعيان
الكفر يابني مفهوش جدعان
والكلام فيه كلام نسوان
واللي بيعرف يقرأ عامل نفسه فهمان
واللي حافظ ايه فاكر نفسه سيدنا عثمان
كله في حال التاني حيران
شاغل نفسه بغيره وكسلان
وعن عيوبه تملي غفلان
ومن الخير لجاره زعلان
وممكن يطق وتلاقيه عيان
ويقول اشمعنا فلان وعلان
الناس هنا يابني ملهمش ميزان
عيون مفتحه علي بعضها بإتقان
وعقول حرام تكون في انسان
مفيش بس غير طول لسان
أهلاً بيك يابني في كفر العميان
د محمد حلمي البراجه
ليست هناك تعليقات:
إرسال تعليق