..............
صبري رسلان
.............
فراق و حياة (355)
................
ما بقيتش خايف
من البعاد وإنك تفارق
ما أنا ياما عيشت بحور
جفا عالشط غارق
مش ضعف مني أنكسر
جنبك وأحايل
كان وعد مني أكون شاريك وفى قلبي شايل
جاي النهارده تقول ناسيني ماعدت شايف
حتى وجودي بتنكره
وإحساسي زايف ..
لا همه قلبي وشكويته
ودموع ليالي ..
والصبر جاه عندي وبكى
ليه ظلمت حالي ..
صدقني عمري
ما أغصبك وأترجا فيك
ما خلاص قريت نظرة
عينيك قالت أيه بيك
بتقولي باع
وحروف وداع ..
مبقاش نصيبي
وشطبت لحظات عيشتها إنك حبيبي
لا هداري دمعي والوجع
وأنسى الشروخ
وبأيدي هسحب
روحه مني
ما عاد لي روح
ووداع يا خوف
هعيش أمل تدبل جروح
وأبدأ حياة بنسيم رضا
ولأ .. أمسي أشوف
بقلم .. صبري رسلان
ليست هناك تعليقات:
إرسال تعليق