..............
المحجوب بوسبولة
............
////////+++حالك+++////////
وامال ديك حروفك كثنين
حالك في حضرة باكي حزين
حظك هذا ياك مخالف
ورمى شباكو في وهم تالف
لا لذة وعدي غير زواق
لالا حاجة عندو لا وراق
وطريق رباح من بعيد تبان
لمريرة توصل لداك لمكان
لكلام للي يبكيك شهدة
غيرو مايمنع حر الصهدة
حاول وعدي وبني لحلام
اتسافر سمايم تجي لغمام
ديك سحابة ظاهرة فارغة
كحديث الذابلة لمراوغة
ثغريك بوهامها ديك الفانية
لاحاجة ف طريقها بانية
مازال الشمس للاتي تطلع
مازال تنور تزيد تسطع
بقلم صقر الحروف الزجال المحجوب بوسبولة
ليست هناك تعليقات:
إرسال تعليق