..............
فضل عبد الرحمن
................
== الحب ومراره ==
كنت بعيد ومريح بالي
من الحب وعذابه
بس انا هبعد تاني وعافر
مش عاوز اوجاعه
يلا ياقلبي نفضها سيره
بلا حب بلا مراره
خدنا ايه من الحب ياقلبي
غير سهره واغداره
كنا بنخلص كنا بنوفي
بس خلاص ما تقولش
ان في يوم حبينا وكنا
وكأنه محصلش
انسى يا قلبي وريح بالك
ولسيرته ما تجبش
انت ياقلبي عارف ان
الحب بمليون وش
انسى وكبر عيش ايامك
اصل مفيش اخلاص
والقلوب ياقلبي دي ماتت
ومعندهاش احساس
يلا اكتب باي باي للحب
بلا حب بلا وش
ــــــــــــــــ
بقلمي / الأديب الشاعر فضل عبد الرحمن
ليست هناك تعليقات:
إرسال تعليق