.....................
الادريسي محمد
......................
السلام عليكم احبابي .واصدقائي
قصيدة من لقلب.... ما بحالك حد....
لروح ابي رحمه الله......
..... ما بحالك حد يا بّا......
.........ما بحالك حد....
الايام مثلك ماجابت يا بّا
........ولا كيفك تولد....
تجري فالخير تمد يا بّا
درعانك على طول لعام
كلامك الحنين ينقذ يا بّا
القلب الغارق تخمام
من لحزان ينقيه يرد يا بّا
البسمة تسكن كل مكان
توحشت نقبل يديك يا بّا
توحشت صوتك الرنان
وكلامك لحلو الرزين يا بّا
بالحكمة ينور الطرقان
شحال خطيت فحق يا بّا
كنتِ المسامح بالغفران
بيك علا شأني يا بّا
نتفكرك على طول العام
جلابتك ف احظاني يا بّا
نتخيلك فيها بالتمام
ريحتك وطيب نفسك يا بّا.
ساكن بيتي من زمان
هي رمز رجولتي يا بّا
فوق راسي عنوان
كنتِ نور هيبتي يا بّا
مصباح فالدنيا شعلان
روحك تزورني فالمنام يا بّا
ترمي عليا بالسلام
صورتك ساكنة الخيال يا بّا
هيا منبع الحنان
علماتني نقاوم ونصمد يا بّا
نواجه ونزيد لقدام
امواج لبحر عالية يا بّا
انتحداها بكل اطمئنان
عطيتني ومزال يا بّا
راسي مرفوع الشأن
نطلب ربي يرحمك يا بّا
وتسكن أعلى الجنان
كل ذنب يتغفر يا بّا
بجاه العالي المنان
23 06. 2021.
الادريسي محمد
ليست هناك تعليقات:
إرسال تعليق