....................
خليفه الابنودي
أدهم السمهودي
.....................
قصيده بعنوان (سكاكين وخناجر مسمومه)
سكاكين مطعونه في الضهر
من اللي فاكرهم اهل
عاملين نفسهم حبايب
وحبهم كره وقهر
قدامك بوس واحضان
وكلامهم عنك تمام
وقلوبهم كلها ظلام
من سلاله ابوجهل
فاكريني مش داري
بكرههم اللي مداري
وعليهم انا الجاني
وطعنهم علني وجهر
سكاكين وخناجر مسمومه
في القلب منهم مطعونه
وقلوبهم بيرَك مركونه
تِعكّر الف نهر
قرايب بقى على ايه
وقلوبنا منكم مشويه
وجرحنا سمّكُم فيه
متقولي قرايب ولا أهل
حاطين عيونكم في حياتنا
من يوم متولدنا لممتنا
وقطر الفرح منكم فاتنا
بافعالكم اللي قسمت الضهر
حسدنا على ايه يا ناس
بافعالكم اللي شيبت الراس
وقتلتوا جوانا الإحساس
بقلوب كلها جهل
شاعر العاميه
نبض الصعيد الجواني
خليفه الابنودي
أدهم السمهودي
ليست هناك تعليقات:
إرسال تعليق