..............
محمد كمال شاعر مصر
....................
حكايتى يحكيها الزمان
بقلم محمد كمال شاعر مصر
حكايتى يحكيها الزمان
حكايتى حكاية عاشق
قلبى مليان حب و حنان
حبيت الحب من أجلك
ضحيت بالأهل والأحباب
ضحيت عشانك أنت
وقلبى شاف كتير أحزان
أنا إللى قدت عمري شموع
ونورت الدنيا من أجلك
مشيت طريق ملوش رجوع
ضحيت بالكل من أجلك
حياتى رضيتها بحبك
وقولت يكفينى قربك
ونظره تكفينى منك
وهمسة حب من قلبك
أنا بعشق ظلام الليل
سواده من سواد شعرك
هدوؤه من هدوء قلبك
ونجمه عاليه فى سمايه
أكلمها تجاوبنى وتتردد ندا قلبى
وأحكيلها عن حبى وأسمعها تجاوبنى
أقول وأحكى عن العاشق
إللى كلامه بيسحرنى
أقول وأحكى عن الحب
واحساسى بحبى
صحيح من قلبى حبيته
وقولت ده حبيب عمري
جاوبني وقولى فين
دلوقتي راح حبى
أنا عشت سنين
أوهبك قلبى
داريت على حزنى وكتمته
محدش غيري يسمعنى
أنا ندمانه حبيتك
وفكرتك ملاك عمري
سنين من عمرى ضاعت
وراح فين كلام الحب ياعمري
وقفت لوحدي وسط الموج
وإتحديت ناسى وأهلى
ومر العمر يوم ورا يوم
وأنا باقيه علي حبى
لكن دمعه فى عيونى
تقول عمرك ماحبيتنى
تقول حبك أكيد نذوه
وأنا حبيت من قلبى
أقولك باقى على حبى
تروح تبعد بعيد عنى
نسيت الحب ونسيتنى
نسيت قلبى نسيت حبى
أنا حزنى على نفسى
حزينه على ضياع عمري
سنين تجرى وأنا لسه مكانى
ماتغير شئ غير حزنى
ضاعت بإيدك حياتى
ورحت وغيبت ونسيتنى
ماكنت كتير بتتحايل
وكنت تتمنى ماتسيبنى
وكنت تبوس على كفى
وكنت تتمنى تعرفنى
تقضى لحظه من عمرك
وتترجانى وتقولى
أبوس إيديكى ملهمتى
ودلوقتي بدور عليك
تكون جنبى ووقت الشده تنقذنى
تروح تبعد هناك وتغيب
ولا بتسأل كأنك ماتعرفنى
أنا حلمك وألا صحيت دلوقتى
ونفسك تبعد بعيد عنك
أنا أملك وألا كلام الليل بيجى الصبح
كأنه ماكان
وكنت تتمنى تشوف جفنى
دلوقتى أصبحت قدامك
وأنت تبعد بعيد عنى
يا حزن القلب وألامه
يا حزن القلب على عمري
أنا دلوقتي ندمانه وراجعه
أبوس إيدين أهلى
قالولي الحلم هيبقى كابوس
مصدقتش وعشت فى الهوا عمري
قالولى بكره عليكى يدوس
وأنا قادره وقولت كفايه باقيه علي حبى
قالولى يابنت إصحى وفوقى خلاص
وقولت أتمنى أضحى من أجلك
خلاص دلوقتى ندمانه
خلاص نسيت إنى إنسانه
نهشت فى لحمى وقولت لحم رخيص
وأنا طبعا أكيد غلطانه
عاشرت فى يوم إبليس
وقولت الجنه قدامه
ماكان عايش فيها سنين
وكبره خرجه منها
وأنا بستنى وأقول أصبر
ومش عارفه نهاية الصبر
هجنى المر وألا يمكن تغيرنى
شبابى ضاع محسيتهوش
مفيش غيره ساكن قلبى
قولولى ليه مخرجتوش
عشان باقيه علي حبى
ولو عشت فى وسط الشوك
هضحى وقول بكره يرجعلى
وأقول بكره هيرجعلى
بقلم محمد كمال شاعر مصر
ليست هناك تعليقات:
إرسال تعليق