..................
كرم ميخائيل
................
* بتتلخبط *
...............
*لما بشوفها بتتلخبط.......
وتقول كلام مش متظبط....
في عينيها فرحه بتتنطط....
حبيبتي روح قلبي وعيني..
وعينيها بتبص شقاوة.......
من تحت تحت وقلقانه......
وشوية فيا وسرحانه.......
خطفتني من جوا سنيني...
*بتبص من طرف عينيها....
شقاوتها دي باينه عليها....
بس كسوفها مخليها........
مش عارفه تحكي ويايا....
الله عليها يا دلالها...........
الحسن عاشق لجمالها.......
لحظه وراح قلبي ندلها......
وقال لها إنتي منايا.........
*الورد دايب ف خدودها.....
وإحمر من كتر كسوفها.....
وعرفت أه إني حبيبها.......
أخدتني مني لدنياها........
الضحكه منها يا خرابي.....
بتحلي كل أيامي............
هاعشق معاها أحلامي.....
وأعيش أسير انا لهواها....
#كرم ميخائيل
ليست هناك تعليقات:
إرسال تعليق