................
. صبري رسلان
..................
سجن العيون (267)
...................
وطلعت يا دنيا
ومن تاني
من سجن كلابشك مجاني ..
جففت دموعي ومستني
خايف لتعيدي دوري
من تاني
وده مين يا ترا غيري هيعاني ويقاسي سنين
حرمان جايه وتشاوري
عليه أنت الجاني
تايب ندمان على غلطه
زمان مشطوبه بوجعي
المداري ..
أديني أمانك وإنسيني
ويا ريت ما تبصي وخليني أبعد أيام عمري
الجايه وأعيش إنسان
بجناح طاير فوق أرض
وسما ناس ما تعاير
زاد خوفي عدا المحتمل
والناس عيونها ب 100
ألم عشمان يحنوا يمدوا أيد ويحسسوني
توبتي عيد لو من بعيد
قفلوا البيبان أداروا مني
حتى السلام منعوا مد أيد محظور وجودي عندهم ما راعوا سني
رسموا حجودهم
عالورق منبوذ ليه حر
والشمس عنه وروحت
ووجوده جرم
حكموا عليا ما خففوا
ٱه من الجراح ..
خلوني عايش جوا
ضلمه ذنب راح
مسجون عيون جوا القلوب
مع دنيا رافضين إني أتوب راح وقت غالب فيه أنا بقيت مغلوب
أرجع لسكه الحرام
وأظلم وأدوس
قلوب حجر علوا المقام
هشكي همومي لربنا ونويت ما ألوم غير نفسي أنا وشيطان رچيم
وهروح في سكه الامل
بضحكه تانيه لنور عمل وسجود إيمان ..
ورميت كلبش سجنكوا
وهعيش كمان ..
بقلم .. صبري رسلان
ليست هناك تعليقات:
إرسال تعليق