..............
............
مساء الفل
____ـــــــــــ
مساء الفل عليكي يا دنيا
مهما تجيبي بتخدي ف ثانيه
عايش زاهد ف رضاكي وفيكي
أصلك فصلك انك فانيه
مساء الفل لمن قال هاينه
مهما سماها كانت غايمه
راح تصفاله وترجع هايمه
دوام الحال ف طريقها محال
مساء الفل علي الأندال
إن صدفوك اهرب يا الخال
يخونوا العيش ولا يحفظوا مال
وعتابهم قفل الأبواب
مساء الفل علي المغتاب
اللي بيهري وري الأبواب
يحلف انه مش كداب
شاف بعنيه مع انه ضرير
مساء الفل عليك يا ضمير
يا ميزنا امير وحقير
سرك بيرك الأمر خطير
لا يهمة قوة ولا استبداد
مساء الفل عليك يا فساد
قاتل الحلم بنات وولاد
وتحارب المستقبل بعناد
بدون حيا ولا ليك اعذار
مساء الفل علي الفشار
طالع نازل كالمنشار
جنته فاضيه وناره عمار
راكب بلسانه الودان
مساء الفل علي الاحزان
تيجي تقيله انما بأوان
واللي يعيشها يشفها جنان
وسكون داكن صوته فظيع
مساء الفل ع اللي يبيع
خان العشرة بفعل وضيع
كان مياس وحَملنا وديع
بيره بينضح من جواة
مساء الفل لمن قال آه
لو قال لأ كان فيها نجاه
اضحك ابكي دنيا حظوظ
يا المظلوم قول يا الله
اطيب الأمنيات بالتوفيق اصدقائي
كل الشكر والتقدير والاحترام للتوثيق دمتم منبرا لكل رأي وكل ابداع ومبدع اصدقائي وام ابداعكم ونجاحكم واذدهاركم احبتي مودتي وكل باقات الزهور لحضراتكم
ردحذف