...............
سعيد عزب
.............
🌹الوطن عندنا
🌹الوطن عندنا
🌹مالهوش صحاب
🌹إلا الديابه واولاد الكلاب
🌹اللي تعرف تلتهم
🌹حق الضعاف
🌹اللى ماتوا فى السكات
🌹واللى ناموا عن حقهم
🌹 رغم ألانوف
🌹يقتلهم الخوف
🌹م السجون و العذاب
🌹واللى رسموا حلمهم
🌹على حيطان السراب
🌹فى ضلام الليل
🌹وبألوان الهباب
🌹الوطن عندنا
🌹مالهوش صحاب
🌹الا الديابه وأولاد الكلاب
🌹إللى سرقوا الريش اللى
🌹فى جناح الطيور
🌹لأجل مايطير البوم
🌹بس تحت التراب
🌹وسرقوا الميه
🌹من قلب السحاب
🌹يشرب الصبار
🌹همومه من قلب المرار
🌹الوطن عندنا
🌹مالهوش صحاب
🌹إلا القرود والافاعى
🌹 ومعاها الضباع
🌹ولاغابش عن ارض
🌹 الوطن إلا الأسود
🌹عشان مالفساد والظلم
🌹دايما يسود
🌹حتى الحمام
🌹 عز عليه السكنى
🌹وسط اللئام
🌹لأجل مايطير الحمام
🌹او يصنع سلام
🌹محتاج وطن يسكنه
🌹بس ف أمان
سعيد عزب
ليست هناك تعليقات:
إرسال تعليق