................
................
والشمس صحيّت
عدت و مشيّت
عدِت وياما
سابت علامة
قالت على ما
تندم ياصاحبي
ده العمر يحبي
يالله السلامة
قالت ياشابة
قلبِك محبة
ده الحب حبة
والعمر ياما
يابنت ياللي
قلبِك محلّي
بالحب خلّي
عينِك تملّي
على الشهامة
نمشي ونسأل
نكبر ونعقل
والعقل يحبل
أفكار ويتقل
ويخاف ملامة
ياعم سيبك
لا الخوف يصيبك
تاخد نصيبك
وبالسلامة
صوتك واصلني
بس ماّلمني
الحكمة فيه
قلبي ملازمني
والشوق لازمني
طب واعمل أيه
ياشمس ياللي
بالحكمة سايحة
سيبيلي ضلي
ف الأرض فاحت
شبرين جهالة
تعملّي هالة
تظهر لي حالة
تحنيلي ضهري
ده انا اللي جهلي
من طبع أهلى
بالحب مَبلي
والشوق نَدهلي
حب وكرامة
وان مُت رايح
ع الجنّة حدف
ماانا عقلي رايح
و مالوهش سقف
ومافيش نصايح
ولا فيه غرامة
يوم القيامة .
ليست هناك تعليقات:
إرسال تعليق