.................
محمد عبد النعيم
...............
على ورقي ..
*********
بنبض قلبي
وبدمع عيني
وفي عز وجعي
وألمي وأنيني
حأكتبلكم
يا حبايبي
على سبب
بكايا وأنيني
وشوقي وحنيني
حأكتبلكم ..
على ورقي
في عز وحدتي
لفراقنا
أنا وحبيبي ..
بعد حكاية هوايا
اللي تسطرت..
بسنينه وسنيني
حكاية كانت
بينه وبيني
وهيا حكاية هوايا.
فحكاية هوايا..
ياللي شايفين
قلمي ..
وحاسين
وسامعين
شهقته
مابين حروفه
شهقة
ألمي وأنيني
وحكاية هوايا
هيا حكاية
زي أي حكاية
لا هيا غريبة
ولا هيا عجيبة
حبيت وتمنيت
اللي حبيته
يجمعنا الهوى
سوا وأعيش
وياه
ويعيش ويايا
وأكون نصيبه
ويكون نصيبي
وأنسى الدنيا
معاه..
وينساها هو
ويايا..
وتضحك لنا الدنيا
وتاخدنا بالأحضان
وتهنينا
وتاخدنا من حيرتنا
ولبر الآمان تودينا
ومن الحنان تسقينا
أتاري الحكاية
كانت كده بس
في البداية
وشفنا منها وشها
التاني لما حسينا
بالآمان
والحنان
وودتنا بغدرها
بينا للنهاية
نهاية أي اتنين
حبوا بعض
وعاشوا حكاية
الحب سوا
ووقفت حكايتهم
وسط الطريق
وهما ماشيين
متهنيين
وفرحانين سوا
وتعاتبوا
وتخاصموا
وتصالحوا
وتخاصموا خصام
مفيهوش رجوع
ولا خضوع
خصام نهاية
وتفارفوا
وتخلوا عن هواهم
ووصلوا للنهاية
من قبل النهاية
ومكملتش الحكاية
وياريتهم ما وصلوا
للنهاية وفضلوا
في هواهم سوا
للنهاية
زي ما كانوا
سوا في البداية..
ودي هيا حكاية
هوايا
يا قلمي
ويا المي
ويا دموعي
اللي
بيكتب بيك
قلمي
على ورقي ..
يا حبابيي
حكاية هوايا
محمد عبد النعيم
٢٠٢٠/١٠/٢٥م
ليست هناك تعليقات:
إرسال تعليق