..................
ناصرعطامحمد
.................
. *** رزقي الحلال *** ...
شوفوا الرجال قصدي أشباه الرجال
ناكرين حياتي وبعتروا رزقي الحلال
لو غلط ابيع خضار واكسي العيال
هو غلط .. أكل الحلال ؟!
وسط دنيتكو الضلال
هاتو عصاية ورقصوني للعيال
وابعتوا لي ألف بوسة فى المجال
والله حرام .. شرف العمل .. تبعتروه
وحرام عليكم .. عرق جبيني .. تشربوه
وحرام يتامى مشردين .. اكل عيشهم تنكروه
ايامنا سودة مكهربة .. وفلوسنا .. مية وكهربا
والسجن بلدي فى الوبا
والطفل مات على كتف ابوه
انا ولية مبهدلة .. بعرق جبيني مكملة
افطر بفول علشان اقوم متألمة
حوشت لابني عيديته
وتمن شرابه وجزمته
وعشان يروح المدرسة
فارشة الخضار متحمسة
مصاريف كتير
وانتوا كتير بتعذبوه
الرحمة قولوا على أبوه
والله كان سيد الرجال
لاسرق بنوك ولا عيال
ولا أرتشى ولامرة مال
ابن البلد .. حملوا جبال
بقلمي .. الشاعرناصرعطامحمد
ليست هناك تعليقات:
إرسال تعليق