............
بن يونس العريني
............
☆☆ إنسان☆☆
إنسان بسيط ع الأرض ماشي
قالوا عبيط لأني طيب قولت ماشي
طول عمري مستسلم وراضي
عمال بحايل في الناس وادادي
مش ضعف مني
لكن لأني
إنساااااااااااااااان بسيط
☆☆ ☆☆ ☆☆
إنسان ويملك قلب طيب
بس في زمانه دا شيء يتعيب
لازم أكون
بألف لون
وكمااااااااااااااان حويط
☆☆ ☆☆ ☆☆
إنسان وقلبه أبيض وصافي
مليان حنان وحضن دافي
فضفضله سِرك
ينصح يقولك
ياصديقي سرك
في بييييييييييير غويط
☆☆ ☆☆ ☆☆
إنسان وماشي في الحياه
ساكن جواه يجي ألف آه
راضي بنصيبه
ويمكن دا عيبه
لو يوم يتكلم
في ألف حيط
☆☆ ☆☆ ☆☆
إنسان و وجوده علي الهامش
عايش في الدنيا ومش عايش
موجود ولكن
خاليه الأماكن
كخيال مآته
منصوووووووووب في غيط
☆☆ ☆☆ ☆☆
إنسان ومستني نهايته
ولا حد عارف ياناس حكايته
عايش وصابر
عمال يهابر
م الدنيا ياما
شبعاااااااااااااان شلاليط
☆ ☆ ☆
( بن يونس العريني )
ليست هناك تعليقات:
إرسال تعليق