.............
ايمن عزالدين سكورى
...............
••••••••••••••••••• ( لو بجد ) •••••••••••••••
لو بجد حبينا بعض
والحب يسكن جوه النبض
بالفرحة الدنيا حتتزوق
والسعادة حتملا الأرض
لو بجد حبينا بعض
~~~~~~~~~~~~
حنلقى الرحمة حلت بينا
وحتصبح دنيتنا دى جنة
مفهاش حد حزين بيبكى
أو وحيد مع همه بيشكى
لو بجد حبينا بعض
~~~~~~~~~~~
حنلقى قلوبنا عايشة فى راحة
والوشوش مليانة سماحة
والجار تانى حيحضن جاره
والكبير حيحنو على صغاره
لو بجد حبينا بعض
~~~~~~~~~~~
حنلقى كل الناس بتقرب
ومش حتحس بغربة تغرب
والحب حيروى الوجدان
والإنسان حيعود إنسان
لو بجد حبينا بعض
~~~~~~~~~~
من مدونتى
صداح فى بلاد غريبة
الأديب الشاعر
ايمن عزالدين سكورى
ليست هناك تعليقات:
إرسال تعليق