.............
عبدالرحمن التهامي
..............
** ابنك شهيد
قول يا ابنى قول يا جندى
فين البطل ابنى
جانى يوم اجازه
وانت كنت معاه
تأخر علينا قلت اسئل عليه
قوله ابوك جالك
بيسئل عليك
وخطبلك بنت خالك
الى بتحبها وماليه عنيك
قوله تعالى يا فرحه ابوك وامك
قله مبروك عليك
عروستك
من لحمك ودمك
زى ما قلت بتحبك
وهتشيل همك
وفرحك مع الحلوه اختك
آه يا أبويه
آه آه يا أبويه
ابنك يا أبويه راح لربه شهيد
هيقابلك يوم القيامة بهمه حديد
ياخدك من ايدك على الجنه يوديك
ابنك يا أبويه حى يرزق شهيد
واستنى روح معاه
ملفوف فى علم يا محلاه
آه يا ولدى
آه آه يا ولدى
آه يا فلذه صلبى وكبدى
خدك الموت وانت فى عز شبابك
خدك الموت ومرحمش شبتى
آه يا حرقة قلبى
اقول ايه لأمه لما تسألنى عليه
اقول ايه لحببته
لما تقول الفرح وقتيه
معلش يا ولاادى معلش
طاره خدوه
من إلى غدرو بيه
وبحبايبه إلى سبقوه
ومتنسوش أنه قدم حياته
من اجل وطنه وأهله وأخواته
وانتم يا اولادى من ضمن اخواته
ويكفى انكم سمعتم
اهاتى واهاته
مين ياخد طاره غيركم انتم
مانتم وخدين عهد على روحكم
انكم تاخدو طار كل الى سبقكم
*# كلمات عبدالرحمن التهامي
ليست هناك تعليقات:
إرسال تعليق