...............
نجية مجدوب
.......
## أم الشهيد ##
إجمدي وماتعيطيش
يا ام الشهيد
إبنك مش عايز
بكا ولا تعديد
إرفعي راسك
وبلاش غم وتنهيد
إبنك راجل شرفك
وراح التجنيد
أسد بيحمي
عرينه بيد حديد
قولي خلفت راجل
من ظهر راجل
ربنا يبارك ويزيد
قولي باعلى صوتك
مصر ياولادة
فداك ضنايا
اللي مات شهيد
عشان يصونك
ويحمي حصونك
وللعدو يقطع
الرجل والايد
مصر لحمنا ودمنا
وروحنا وابونا وامنا
وراح نفضل نقولها ونعيد
مش حنفرط فشبر منك
دانت خلفت رجالة
بقلوب وايادي حديد
لا سلاح حيهزمهم
ولاقوة حتكسرهم
وان مات شهيد
حيخلفه ابن الشهيد
نجية مجدوب 01/05/2020
ليست هناك تعليقات:
إرسال تعليق