...............
مصطفى فريد
...........
يتيم
من ديوان / على الربابه
للشاعر / مصطفى فريد
يتيم محروم حنان أهلى
وكلمة حب تنه لى
وقلب فى حضنه يرعانى
أكبر فيه على مهلى
وأقول للحزن قوم ارحل
وانتى يا فرحتى هلى
خلى ضحكتى تكبر
وترسم فرح قلب يتيم
يتيم و الدنيا ذلتنى
ماليش حيله
لا خال ولا عم ينصفنى
من الحيرة
واتمنى الدموع تنشف
على خدى
وحضن حنان يدوقنى
دفا العيله
يخلى الدنيا تضحك لى بحنيه
وترسم فرح قلب يتيم
يتيمه وقلبى لسه اخضر
بلون الزرع
وفوق خدى الزمن سطر
بنار الدمع
قصه ماليش انا فيها
سبب او ذنب
رحلوا الكل من اهلى
نسيت الفرح
مرميه فى ليل عتمه
فى دنيا كلها ازمه
وحكمة ربنا لازمة
دخول الجنه لاجل يتيم
ليست هناك تعليقات:
إرسال تعليق