..................
م/عبد الحميد سالم
...............
.( خليها# وخليك # ) م/عبالحميد سالم
مفتون بهواكى يا ليلى
لكنى بصراحة مش عنتر
لا أنت بقول إيدى طايلة
وشقتنا ف منطقة راقية
ولا باسرح بيكى وبحور
دنا خريج جديد بكح تراب
لكن كله بالصبر هيتدبر
وكفاية شقة إيجارها جديد
مش لازم تمليك بعقد أخضر
دا احنا جيل حمله تقيل
وطالبين الرحمة مش أكتر
هنلاقى البركة فى حياتنا
لو الكل ف الجواز يسر
ولا هاشتاج # خليها تعنس #
و# خليك ف حضنها # يا سكر
ليست هناك تعليقات:
إرسال تعليق