..................
عزالدين الحميري
..............
البعد والخيال:
صحاري الجفا وكثبان البعد والخيال
يكون اللقى واحة شوق وغرام ونعيم
صافي الماي يروي تايه ولقى ظلال
شبيه الشجر غلاك يحيط بالقلب ومقيم
حضر حنينك وطلب حرفي راحة البال
ياللي داعبت خيالي مثل الهوى والنسيم
يظل ترياقي ضامي ويطلب صافي زلال
من وصلك وحضورك وبالحال الله عليم
ليه مصر تغيب وتبعد وتتعب الحال
من غيرك ترى الشعور والبوح يظل عقيم
في هبوب رياح الحنين تتحرك التلال
تشوش العين والجو عتمة ومغبر وسديم
ردت يواكب شعوري تيار منهمر وشلال
يمر ببستانك ويروي شعورك ولك نديم
هذا الشعور يازينه وبالليل نجم وهلال
وصوت الريح مع نبض القلب له تقسيم
مايداني الوصف قاري كف ولا تبصير فال
العين والقلب والروح كلها خضوع وتسليم
البوح صعب وعسى غيري يوصف المجال
لكل واحد احساس وشعور بالقلب والصميم
لأجل غلا مهرتي وحلاها حرفي كتب وقال
ياعساها تناظر كل كلمة وقلبها يكون رحيم
شديت لك خاطرة من الحشا وتظل غلال
مواسمها بكل فصول السنة ومالك ند وغريم
شبيه الجمر وغلي الدلة ومن يفوح الهال
يهل عطرك وطيبك ويرسم وجهك الوسيم
ناديت والصوت له صدى ترى البعد طال
وغنيت حبك نار وفوق الشوق لعبد الحليم
@عزالدين الحميري
ليست هناك تعليقات:
إرسال تعليق