..................
احمد شكري
.............
قصيدة بعنوان
( ابن البلد)
كان يا ما كان
زي حكاوي زمان
مصر الولادة
جابت ولد جدع
ما جابتوش ولادة
وسمته ابو العجب
لانه ناصح وذكي
وفي الحق واعر وصعب
راح للخطر
وقال يا زمن
مصر اسم مكتوب
ع الجبين وساكن
نني العين وتردده
دقات القلب
مصر في عنينا
بعد الحرمين
ببركة ال البيت الطاهرين
نادي ابو العجب
في جموع المصريين
وقال البلد خدتها الشياطين
قالوا مستحيل
ونزلت في الميادين ملايين
وقالوا الموت احسن
من حكم الشياطين
وفوضناك يا ابو العجب
تعيد البلد
لولاد البلد الحقيقيين
قام ابوالعجب
ابن البلد بعد ما حسبها
في راسه مرة ومرتين
شال فاسه في ايده الشمال
وسلاحه في ايده اليمين
فاسه زرع بيها صحاري
وحفر مجاري وبني كباري
وكمان مساكن للغلابة والمساكين
وسلاحه في يمينه
وايمانه في فؤاده
وطهر بلاده م الشياطين
تعيش وتسلم يا ابو العجب
ويسلم دراعك الشمال
ودراعك اليمين
وتعيشي يا مصر يا ولا ده
وتنجبي في كل جيل زعيم
ما جابتوش ولا ده
وتسميه ابو العجب
احمد شكري
ليست هناك تعليقات:
إرسال تعليق