.........
بقلم صقر الحروف الزجال بوسبولة المحجوب
...............
//////+++ امسافر معاك +++//////
امسافر معاك يابيت لقصيد
وانا في صمت سكونك جديد
ف حديث لحروف وانا كنبوح
غادي جاي ماباغي نروح
في سربة خيالي ساير
فو ق خيل الانس وانا طاير
امسلم لنسيم الليل روحي
ومعانق اللحظة بسر بوحي
نتكلم مع الليل وظروفو
ف صغاه اتادب وقوفو
قلت ليه اعدرني حسيت به
مالك يالقاسي مانهيتيه
رحمو ياليل وتركو ينام
اش به وانت زعجتيه ف ظلام
ولى هدي دنيا ظلماتو
ولى حالة منك نساتو
حاول على قلبو حامل كثير
ناسو صابوه في عمق السير
خليه ياليل يرتاح فحلام
وانا للي باغيه مايضام
//////+++بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق