ديوان أكاليل الإلكتروني لسفراء القلم

...............

جمال حلمي ابراهيم 

..............

قصيدة عامية
/مصر بلدي أم البلاد خط أحمر
............................................

مصر بلدي أم البلاد

مصر مصر خط أحمر

صحصح وفوق ياللي أنت نايم

صحصح وفوق وكفاية تسكر

مصر مصنع الرجال

يال أنت غايب ع الوعي أحضر

مصر خاضت حروب كتير

مابين تتار وعدو أغبر

النصر عارف طريق بلادي

مهما كان العدو أكتر

أسم مصر اسم كبير

وكمان ولادها الله أكبر

أم البلاد مش أي أم

ساعة غضبها الكل يصغر

مفيش كبير يملى عينيها

ولا دولة عظمى تعرف تقرر

القرار قرارها هي بس

والعالم عليه يشوف وينظر

وال فاهم غير الكلام دة

يبقا عميل وأبن منكر

ولاد المنكر كتروا ف زماني

مابين خسيس وعميل بيكفر

مصر أصلا مش تكية

ولا وسية لكل أزعر

وال هرب زي العيال

وباع شرفة ملوش دخول مهما حور

مصر من قديم الزمان

هيه الريادة وولادها أشطر

زرعت فيهم حب التفاني

وعلى أيديهم الخير بيظهر

لا عمرها عرفت عميل

ولا داخلها شيخ منصر

شيوخ المنصر الكادبين

باعوا شرفهم عند

الحويط والصغير

مصر بلدي أم البلاد

مصر مصر خط أحمر

مصر بلدي ام الأمان

نهارها ليلها وهج منور

مصر أم الأحترام .

بلد الأمان ف كل معبر

مصر الحضارة مفيش نزاع

مين يجادل ولا ينكر ؟

مصر فاتحة أيديها للسلام

مش لعميل ولا خاين مستأجر
....................................................

بقلمي / جمال حلمي ابراهيم
..................................................