...............
مصطفى فريد
...........
لأ
من ديوان/ سيبنى احلم
للشاعر / مصطفى فريد
لو هتيجى بألف قلب جديد
ها قولك لأ
لو بدرتى الكون شموع بتقيد
ها قولك لأ
انا شفت الخداع منك
مافيش غير البعاد عنك
سماكى لو بتمطر حب
أموت عطشان بعيد عنك
وأرضك لو بحور من ود
اشوف لى ارض غير ارضك
ولا اسمح يوم اشوف قلبى
ومهما كان فى حبك
يكون لعبة مابين ايدك
ودميه حزينه يوم عيدك
ماعاد ليكى اختيار عندى
وعندى قد ما تعاندى
انا نسيتك
نسيت زيفك
نسيت حتى حروف اسمك
ومهما القلب بات عطشان
راح ارويه من امان بعدك
ولو كان ع الوفا ندمان
راح انساكى واعيش بعدك
حزين يمكن
لكن رافض
اشوف قلبى فى يوم عبدك
دى نار هجرك احن كتير
من الجنه. وانا جنبك
ليست هناك تعليقات:
إرسال تعليق