.................
الزروقي جواد
...............
الزمان الغدار ¶¶¶¶¶¶¶¶¶¶
حازني ليك الزمان الغدار
من بعد ماكنت انا مول الدار
اليوم راني بين يديك
مسجون كيف طير الحمام
تمنيت نرجع كيف كنت زمان
عايش طير حر فسرب عالي
نقي ومطهر بشتاء الليالي
ساعة الزمان دار عليا
و الدموع طاحو من عينيا
عايش غريب ومجهول الهوية
وحداني حيت الزمان دار بيا
مصدوم معارف راسي من رجليا
راحت العشية وكلها فين راح
لعندو حبابو عندهم راح
ولعندو صحابو عندهم يبات مرتاح
ونا فين ما حازني الليل غادي نتلاح
كيف صابة البطيخ و الدلاح
في بحيرة الحاج مومن الفلاح
راه المسجون فبلادي مرتاح
وعساسن عليه السجانة بالسلاح
وخا غلط راه في طور الاصلاح
بمنهجبة الإدماج ماشي بالسلاح
ونا حازني ليك الزمان الغدار
من بعد ماكنت عايش وعندي الدار
اليوم غريب و فالزنقة تندور
حيت حازني الزمان ليك وليت مقهور
كيف الطير جناحو مكسور
راه الزمان صعيب وبنادم غريب
ما بقا ما يعجب وكلشي ولا ذيب
بقلم: الزروقي جواد
من المغرب
ليست هناك تعليقات:
إرسال تعليق