..............
الزروقي جواد
المغرب
.........
مسحور في الطريق المجهول¶¶¶¶¶¶¶¶
راني غادي و الطريق الطويل
راني عيت ومزال الحال بعيد
معندي ونيس معندي خليل
مسحور و غارق فشلا مشاكل
مالقيت شكون نشكي ليه همي
راه القلب عامر ومضيوم
بوهالي غادي فطريق علا رجليه
لداز من حداه يشوفو ويتأسف ليه
شي يقول هدا بوهالي جوال
هاز دربالة وحالتو ماهي حالة
شي يقول مجنون ساكناه جنية
شي يقول حمقاتو وحدة من البشرية
ولا دارو بيه يدين عمي الفقيه
بسحور ربط ليه فمو مع رجليه
وطلقو فالزنقة بوهالي غريب
زشاد طريق ومعارف راسو من رجليه
ولا عقلو فين غادي بيه
دلع فطريق معارف فين والديه
حبابو وخوتو راهم يقلبو عليه
راه ماشي مسخوط ولا سامحين فيه
سبابو السحور لدارو ليه
بفعل داك الشيطانة عند الفقيه
الله يعفو عليك من هاد البلية
دبا ربي يخد ليه حقو فالدنيا
سيدي ربي كبير مخفاتو خفية
هذا حال الدنيا هذا حال الدنيا
الله يعفو على كل من فيه شي بلية
بقلم: الزروقي جواد
المغرب
ليست هناك تعليقات:
إرسال تعليق