ديوان أكاليل الإلكتروني لسفراء القلم

............

السيد علي القن

............

أوبريت غنائي

(( بتسرح ليه و انا وياك ))

هي:
حبيبي جاوبني
لو تسمح
بتسرح ليه
وانا وياك
ومشغول بأيه
مادمت معاك
جاوبني بسرعه
باترجاك

هو :
انا اللي شاغلاني عنيكي
وكتير اسهر افكر فيكي
وياما بيحسدوني عليكي
وياما غرقت ف حبك
وتهت كتير ف عنيكي
ما انا دايب غرام فيكي
ومهما اكتب انا ف حبك
ما يكفيني ديوان فيكي

هي:

حبيبي اعذرني ع ظني
دا انا قلبي بيسالني
صحيح بتحبني والا
خلاص قولها و عليها
وطمن قلبي كتير بيها
واسعد قلبي كدا بمعانيها

هو:
ياروح قلبي ياحياتي
مافيش غيرك شاغل بالي
ولا غيرك ملك قلبي
ومهما اقول انا عنك
ما يوصف كل احساسي

هي :

و انا الله بشتاق لك
ف حضنك او بعيد عنك
و بتدفيني انفاسك
عشان اهلك انا و ناسك
و حبي بيجري ف دمك
و مالك كل احساسك

هو :

وانا ياحبيبتي ملك ايديكي
وقلبي وعمري كله ليكي
ومش بأيديا أو بأيديكي
انام واحلم انا بعنيكي

هي:

حبيبي يا كل احلامي
انا اسفه ع اوهامي
انا عاشقه كل انفاسك
وتفاصيلك واحساسك

كلمات الشاعر / السيد علي القن