............
رمضان عبد الله احمد
.............
عاشق
عاشق وتعبت من عشقي
وقلبي انكوي بناره
حني عليا هتلقي
قلبي لحبك داره
عاشق وغالبني الشوق
وف قلبي الحنين سهران
وحبيبي نظرته فوق
وسايبني ف التوهان
مش فارق معاه حنيني
ولا سهري وتعب العيون
واقول امتي يجيني
ينجدني من الشجون
عاشق وعايش متحمل
لاجل حبه يعيش
لكن حبيبه بيكمّل
وقاله ابعد متجيش
بخلص انا ف حبي
وهو قلبه غريب
ساعات يتعبلي قلبي
وساعات يكون الحبيب
الغلب ليه ناسه
وانا غلبت معاك
وتعبي انت اساسه
من لحظة ما عرفناك
******
بقلمي / رمضان عبد الله احمد
ليست هناك تعليقات:
إرسال تعليق