ديوان أكاليل الإلكتروني لسفراء القلم

...........

علاء أحمد عبدالنبي

............

#بمناسبة_ميلاد_النبي_صلى_الله_عليه_وسلم#

*********************************

كلمات/علاء أحمد عبدالنبي

**************

*#عيد_ميلاد_نبيينا#*

****************

مش بالحلاوة ولا بالحصان..

دا بالتلاوة من القرآن....

ونعرف أولادنا كمان...

إزاى يحبوا نبيينا.....

*#عيد ميلاد نبيينا#*

مش بس يوم من السنة..

دا فى كل أيام عمرنا....

إللى فاتت واللى جاية...

وكل دقة فى قلبنا....

*#عيد ميلاد نبيينا#*

فى كل ثانية تعدى علينا...

ونحيى فيها سنه نبينا...

تبقى عيد بالنسبة لينا...

وبيها نأكد حبنا.....

*#عيد ميلاد نبيينا#*

نور كل الدنيا بنوره...

وكتاب الله كان دستوره..

من كل البلاد بنزوره...

علشان ينور قلبنا......

*#عيد ميلاد نبيينا#*

إللى كمل لينا الدين...

اللى بنوره مهتدين...

ختام جميع المرسلين...

واللى فى قلوبنا كلنا..

*#عيد ميلاد نبيينا#*