ديوان أكاليل الإلكتروني لسفراء القلم

...........

بقلم المصطفى نجي وردي

..................

لحروف التايهة...

نلاقي حرف مع حرف

ونتقصى الطرف الطرف..

نزيد ف الاول نغمة

وننقص من الثاني طرف..

نلاقي حرفي بدمعة

تنزل سخونة

تمسحها دمعة..

وبين الدمعة والدمعة

تخرج لحروف حزينة

بالخف..

نشعل ليها ضو..

مرات نشعل ف جوفي شمعة...

يا احبابي..!

هاذ الدنيا لعبة

تدينا وتسكنا بالمعروف

وف التالي تشدنا عليها

لغبينة...

نخيطو الصهد بالصهد

ونرقعو البعد ف البعد

واجنابنا ساكنها البرد...

اسكني هذا الحرف

وف العمق أهلك لي الجوف..

ف بلادي مالقيت رحمة

وف بلاد الناس قايسني الخوف..

هربان نقلب ع الخبز

وبلادي قلبي عليها ملهوف..

لاش يا خدام..

درتو الرهبة

ونهبتو الخيرات

و الناس بعينيها

تبرقق وتشوف..؟!

هذا الزمان..!

زمان الخطبة والزربة

واحنا جاريين غي ع المصروف..

واش هذا قانون ولا حكمة

حتى لغدا ..

تلقى كلشي مصفوف...

بقلم المصطفى نجي وردي 29\10\2019