ديوان أكاليل الإلكتروني لسفراء القلم

.............

السيد عطيه 

..............

أغنية : حوش عينيك
كلمات : السيد عطيه
******

حوش عينيك والنبي عني
ولا انت ناوي تجنني
تهت ف بحرهم
ملقتش برهم
وموج يوديني ويجيبني
حوش عينيك والنبي عني

كنت فاكر انا الصياد
شبكوني من غير شبك
قلبي ياما لف بلاد
وراح لحده وانشبك

يا مين يحوش
سحر الرموش
ويرحم بقا
لا قلبي غاوي
كتر الغناوي
وفراق ولقا

قدر علينا ازاي وغلبني
حوش عينيك والنبي عني

فوتنا البلاد كلها
وجنبك انت سكنا
عيون حارسها كحلها
تدبحنا مهما حاسبنا

معقوله يا ناس بلطيه
عايمه على وش الميه
تدوب كده ف قلوب
وسهم الحب يعدي
والفكر يجيب ويودي
ونقول قسمه ومكتوب
والحب نصيب وأوام صابني
حوش عينيك والنبي عني

بقلمي : السيد عطيه
مصر

****