............
قصيدة ( المشنقة)
سجال مشترك
بين / ( شرين سعد أحمد)
شاعرة جنوب الوادي
والشاعر / ( علاء هشام)
سجال مشترك
بين / ( شرين سعد أحمد)
شاعرة جنوب الوادي
والشاعر / ( علاء هشام)
**********
الشاعر / ( علاء هشام )
*************
زادت الجثث فيها
همت نفوسنا الضيقة
لاجل أما نفديها
لكن دي روح ومعلقة
انسوا الحياه ليها
سيبوا القلوب متشققة
وابكوا كده عليها
أصل السهام مترشقة
جوانا مش فيها
،،،،،،،،،،،،،،،،
حبل الحياه بينقطع
مستنين الدور
وإذا حياكم وقع
حبل المشنقه بيدور
اجهز يابوي للوجع
واطفي ساعتها النور
لاجل أما جسمنا يقع
ويلفوا بينا قبور
ونسيب يادوب اسمنا
لاجل اللي ييجي يزور
،،،،،،،،،،،،،،،،،،،
حكموا علينا يا ياناس
نقتل احاسسنا
من ميته زارنا إحساس
ولا حد حاسسنا
لبسونا يابا مداس
لا تخاف ده هيدوسنا
وف ايده نفس الكاس
سانده ع روسنا
،،،،،،،،،،،،،،
الشاعرة / ( شرين سعد أحمد )
شاعرة جنوب الوادي
#شرين_سعد_أحمد
*********
مالك ومال المشنقة
سيبها وخليها
تغسل في روحنا المذنبة
وتصفي ما بيها
همومنا صبحت شرنقة
والذل ماليها
ماتقولش روح ومعلقة
والحزن كاويها
دا أحنا جراحنا معتقة
ولا طب يشفيها
،،،،،،،،،،،،،،،،،،،
اسمع نصيحتي ياجدع
أنا مش هلف و ادور
حبل الحياة لو ينقطع
راح تكشف المستور
ساعتها تعرف مين وقع
في الذنب والمحظور
وادي شراعنا بينقلع
والعقل صابه البور
فاوعاك تتهوه أو تتفزع
دمك بخوفه يفور
دامت لمين طب قبلنا
مهما بنينا قصور
،،،،،،،،،،،،،،،،،،
اخرتها نحفر ساس
ندفن جتت ناسنا
ناخد العظة في الراس
والحزن يحبسنا
فبلاش كده تحتاس
دا الهم ناسفنا
عرق الهموم دساس
طابق على أنفاسنا
ليست هناك تعليقات:
إرسال تعليق