ديوان أكاليل الإلكتروني لسفراء القلم

...........

الجوهري عبدالله

.....................

لقا الحبيب

يارايحين للنبى
ياحجيج البيت
شوقى سبق موكبى
بروحى معاكو لبيت
يارب لجل النبى
اكتبهالى والنبى
لقا الحبيب مكسبى

ماحيلتى غير شوقى
يوصلنى بالاحباب
نفسى ازور النبى
واقبل الاعتاب
فى حضرة المحبوب
لاخل..ولا أصحاب
يارب لجل النبى
اكتبهالى والنبى
لقا الحبيب مكسبى

انا ف انتظار الندا
لساحة العشاق
عطر جبينى الندى
بالحب والاشواق
حبيبى ساكن هنا
وانا للنبى مشتاق
يارب لجل النبى
اكتبهالى والنبى
لقا الحبيب مكسبى

يجعل يارب زيارتك
المسك..والعنبر
لأرض فيها الشوك
لجل النبى زهر
وطلة نبينا الزين
علينا..بتنور
بدر فى ليلة قدر
سبحان من صور
يارب يشملنا ضياها
وبريحها نتعطر
يارب لجل النبى
اكتبهالى والنبى
لقا الحبيب مكسبى

جوهريات