...................
هشام سليم
.................
دي طامة كبري
ولدغة كوبرا
يوم ماالصحة ياعم تخونك
تلقي الدمع بقي ف عيونك
تندم علي كل اللي فات
ترجع بعقلك لذكريات
ماشي فيها فاتح صدرك
الشمس شمسك والبدر بدرك
شاب وطايح
جيّ ورايح
مش بيهمك حد يذمك
ولا فضايح
عايش دنيا بطول وبعرض
مالك جو وبحر وإرض
الدنيا الواسعة دي مخلوقة
بس لفرد
والأحزان ابعتها ف طرد
لريح مجنونة
بكل رعونة
ورا شيطانك
مخلوق عشانك
بالك رايق
هوه اللي سايق
من بار لبار
من قهوة لقهوة
مفيش اعتبار
كده علي سهوة
تلقي رجلك مش شايلاك
ولا حد معاك
ٔإلا الفطرة
ونفس عطرة
وقبل مارجلك تيجي ف روبة
تنادي التوبة
هوه المانح والمانع
هو القادر والصانع
يحب العبد لو قانع
رب الجبر
توب وارجعله قبل القبر
توب وارجعله قبل القبر
هشام سليم
شاعر الحرافيش
ليست هناك تعليقات:
إرسال تعليق